Özbegistanda bolýan türkmen wekiliýeti “GlobalExport” kompaniýasynyň wekilleri bilen bu ýurtda öndürilen önümleriň Türkmenistana iberilişiniň artdyrmak we söwda-ykdysady gatnaşyklary pugtalandyrmak boýunça gepleşikleri geçirdi. Bu barada Türkmenistanyň resmi metbugaty sişenbe güni habar berdi.

Gepleşiklerde önümçilik kuwwatlyklaryny öwrenmäge we bilelikdäki taslamalary durmuşa geçirmegiň mümkinçiliklerine aýratyn üns berildi. “Uzkimyosanoat” senagat toplumyna amala aşyrylan saparyň dowamynda türkmen wekiliýeti himiýa pudagynyň innowasiýalary bilen tanyşdylar. Munuň özi senagat hyzmatdaşlygy üçin täze mümkinçilikleri açýar.

Türkmenistanyň wekilleri “IT Park Uzbekistan” merkezinde geljekde bilelikdäki IT taslamalaryň binýadyny emele getirip biljek startaplara we tehnologiýalara baha berdiler. Şeýle hem “Aliyeva Firuza Batik” kompanýasyna bolan gezelenç saparyň dowamynda türkmen tarapy medeni alyş-çalşa we matalar surat çekmek däbini (batik) dikeltmek babatda hyzmatdaşlyga gyzyklanma bildirdiler.

“Keşde & T-shirts” kompaniýasynyň ýolbaşçylary bilen duşuşykda taraplar moda däplerini we dokma pudagynda hyzmatdaşlyk mümkinçiliklerini ara alyp maslahatlaşdylar.

Bu sapar Türkmenistanyň uzakmöhletleýin we özara bähbitli hyzmatdaşlyga, tejribeleri alyşmaga hem-de ykdysadyýetiň möhüm ugurlaryny bilelikde ösdürmäge taýýardygyny tassyklady.

çeşme:business.com